अर्थ प्रणाली 
काठमाडौं । नेपाल अटोमोबाइल इम्पोर्टर्स एण्ड म्यानुफ्याक्चरर्स एशोसिएशन (नाइमा) द्वारा आयोजित ‘नाइमा नेपाल मोबिलिटी एक्स्पो २०२५’ मा एभरेष्ट बैंक लिमिटेडले सहज अटोलोन ल्याएको छ । बैंकले ६.५२ प्रतिशत व्याजदरमै ग्राहकलाई सेवा उपलब्ध गराउने जनाएको हो । एभरेष्ट बैंकले बेसरेटमा १.२५ प्रतिशत ब्याजदर कायम गरेको छ भने कर्जा लिने ग्राहकले केवल ०.५० प्रतिशत मात्र प्रोसेसिङ शुल्क लाग्ने जनाएको छ ।
यस योजना अन्तर्गत बैंकले नेपाल राष्ट्र बैंकको नियमको अधिनमा रही प्राकृतिक व्यक्तिको निजी प्रयोजनको हकमा गाडीको खरिद मूल्यको कम्तिमा ४० प्रतिशतसम्म र विद्युतीय सवारी साधनको हकमा ४० प्रतिशतसम्म डाउनपेमेन्ट गर्नुपर्नेछ । जसमा बैंकले ६० प्रतिशत रकम कर्जा उपलब्ध गराउनेछ । जसमा बैंकले ६० प्रतिशत रकम कर्जा उपलब्ध गराउनेछ । कर्जा सहमतिमा तेस्रो पक्ष बीमा अनिवार्य गरिएको छ ।
