अर्थ प्रणाली 
धादिङ । चाडबाडको मौका छोपेर यात्रुहरुसँग बढी भाडा असुल्ने यातायातका साधनहरूलाई जिल्ला प्रशासन कार्यालय धादिङ र जिल्ला ट्राफिक प्रहरी कार्यालय धादिङले पृथ्वी राजमार्गमा छड्के जाँच गरी कारवाही थालेको छ ।
पृथ्वी राजमार्ग क्षेत्रमा छड्के जाँच गर्दा बढी भाडा असुलउपर गर्ने दर्जनौंमाथि कारवाही गरिएको हाे ।
ती सवारीसाधनहरुमा बढी भाडा लिनेहरु, सरसफाइ नगर्ने, भाडा दर नराख्ने, सीट क्षमताभन्दा बढी यात्रु राखी यात्रा गरेको लगायतका कैफियतमा ५/५ हजार जरिवाना गरिएको हो । चाडपर्वको मौका पारेर सवारीसाधनहरूले काउन्टरबाट तोकिएको भाडामा टिकट काटिए पनि बीच बाटोमा पुगेर यात्रुसँग भाडा थप लिने गरेको जनगुनासोलाई सम्बोधन गर्न छड्के चेकजाँच गरिएको र यो चेकजाँचलाई निरन्तर रूपमा सञ्चालन गरिने जिल्ला ट्राफिक प्रहरी कार्यालय र जिल्ला प्रशासन कार्यालय धादिङले जनाएको छ ।
ट्राफिक प्रहरीले सडक सचेतना कार्यक्रमलाई पनि उत्तिकै तिव्र बनाउँदै आएको छ ।
