काठमाडौं । सोमबार पनि सुनको मूल्यले नयाँ कीर्तिमान कायम गरेको छ । आइतबार कायम भएको नयाँ रेकर्डको विन्दु सोमबार नै तोडिएको हो ।
सोमबार सुन प्रतितोला १ लाख ५९ हजार २ सय रुपैयाँमा पुगेर मूल्यले नयाँ रेकर्ड बनाएको नेपाल सुनचाँदी व्यवसायी महासंघले जनाएको छ ।
आइतबार १ लाख ५८ हजार ८ सय रुपैयाँमा सुनको मूल्यले नयाँ रेकर्ड बनाएको थियो ।
सोमबार चाँदी प्रतितोला १ हजार ९ सय २० रुपैयाँमा कारोबार भइरहेको छ ।