अर्थ प्रणाली 
काठमाडौं । सरकारले सामाजिक सञ्जालको सञ्चालन, प्रयोग तथा नियमन गर्ने सम्बन्धमा व्यवस्था गर्न बनेको विधेयक २०८१ संघीय संसदसमक्ष पेस गर्ने भएको छ । माघ ७ गतेको मन्त्रिपरिषद् बैठकको निर्णय सुनाउँदै सञ्चार तथा सूचना प्रविधि मन्त्री पृश्वीसुब्बा गुरुङले यसबारे जानकारी दिएका हुन् ।
सञ्चार तथा सूचना प्रविधि मन्त्रालयले तयार पारेको सामाजिक सञ्जालको सञ्चालन, प्रयोग तथा नियमन गर्ने सम्बन्धमा व्यवस्था गर्न बनेको विधेयक २०८१ संघीय संसद्समक्ष पेस गर्न स्वीकृति दिएको उनले स्पष्ट गरेका हुन् ।
सरकारको सिफारिसमा यही माघ १८ गते शुक्रबार दिउँसो १ बजेका लागि संघीय संसद्अन्तर्गतको दुवै सदनको अधिवेशन राष्ट्रपति रामचन्द्र पौडेलले आह्वान गरिसकेका छन् ।
