अर्थ प्रणाली 
काठमाडौं । स्टक ब्रोकर एशोसियसन अफ नेपालको भावी नेतृत्वको लागि सागर ढकाल विजयी भएका छन् ।
२३ बुँदे प्रतिबद्धतासहित चुनावी मैदानमा आएका ढकालले ८८ मतमध्ये ४५ मत प्राप्त गरी विजयी भएका हुन् । आज भएको निर्वाचनबाट ढकाल निर्वाचित भएका हुन् ।
ढकालका प्रतिष्पर्धी राजकुमार तिमिल्सिनाले ४३ मत प्राप्त गरे ।
एशोसियसनको उपाध्यक्षमा नितेश अग्रवाल, महासचिवमा भक्तिराम घिमिरे, कोषाध्यक्षमा मदन पौडेल र सचिवमा विनय पौडेल निर्वाचित भएका छन् ।
यसैगरी कार्यसमितिको सदस्यमा विशालकुमार अग्रवाल, जेलिना कँडेल, जयन्त श्रीवास्तव र प्रियन्सु अग्रवाल निर्वाचित भएका छन्।
