अर्थ प्रणाली 
काठमाडौं । सर्वोच्च अदालतले चालु आर्थिक वर्षभित्र ८ वर्ष पुराना मुद्दा शून्यमा झार्ने लक्ष्य राखेको छ । सर्वोच्च अदालतमा शुक्रबार सर्वोच्च अदालतको गोला प्रणालीबाट हुने पेशी व्यवस्थापन प्रक्रियाका क्रममा आठ वर्ष पुराना मुद्दा शून्यमा झार्ने लक्ष्य सार्वजनिक गरिएको हो ।
अदालतले ८ वर्ष नाघेका मुद्दाहरु १५४ थान रहेको आगामी असार मसान्तभित्र यसलाई सक्ने योजना लिइएको प्रधानन्यायाधीश प्रकाशमान सिंह राउतले बताए । सोहीअनुरुप मुद्दा फर्स्योटको काम भइरहेको उनले जानकारी दिए ।
संस्थागत सुधारमा जोड दिइएको बताउँदै उनले पारदर्शिता र उत्तरदायित्व बोध गराउन गोला प्रथा सुरु गरिएको पनि जानकारी दिए ।
