अर्थ प्रणाली 
काठमाडौं । अन्तर्राष्ट्रिय बजारमा सुनको मूल्य एक वर्षमा ४३ प्रतिशतले बढेको छ । नेपाल राष्ट्र बैंकले सार्वजनिक गरेको चालु आर्थिक वर्षको भदौ मसान्तसम्मको तथ्याँमा यो उल्लेख गरेको छ ।
राष्ट्र बैंक भन्छ, ‘अन्तर्राष्ट्रिय बजारमा २०८१ भदौ मसान्तमा प्रति आउन्स सुनको मूल्य अमेरिकी डलर २५८४ रहेकोमा २०८२ भदौ मसान्तमा ४३.० प्रतिशतले वृद्धि भई अमेरिकी डलर ३६९५.४० पुगेको छ ।’
त्यसैगरी अन्तर्राष्ट्रिय बजारमा कच्चा पेट्रोलियम पदार्थको मूल्य भने ५.८ प्रतिशतले घटेको छ । राष्ट्र बैंकका अनुसार २०८१ भदौ मसान्तमा प्रति ब्यारल अमेरिकी डलर ७३.९६ रहेको कच्चा पेट्रोलियमको मूल्य २०८२ भदौ मसान्तमा ५.८ प्रतिशतले कमी आई अमेरिकी डलर ६९.६९ कायम भएको छ ।
