अर्थ प्रणाली 
मकवानपुर । संघीय राजधानी काठमाडौँ जोड्ने ऐतिहासिक त्रिभूवन राजपथ र छोटो दूरीको कान्तिलोकपथमा रात्रीकालीन सवारी आवागमनमा प्रशासनले रोक लगाएको छ । जिल्ला प्रशासन कार्यालय मकवानपुरले एक सूचना जारी गरी असोज १७ गते आजदेखि २० गतेसम्मका लागि दुवै सडकमा रात्रीकालीन सवारी आवागमनमा रोक लगाएको हो ।
प्रमुख जिल्ला अधिकारी स्किम श्रेष्ठले जारी गरेको सूचनामा कान्तिलोकप हुँदै काठमाडौँ पुग्ने सडकमा बेलुका ४ बजेदेखि बिहान ६ बजेसम्म र त्रिभूवन राजपथ अन्तर्गतको भैंसे–काठमाडौँ खण्डमा बेलुका ५ बजेदेखि बिहान ६ बजेसम्मका लागि सवारी आवागनम बन्द गरिएको उल्लेख छ ।
बीपी राजमार्गमा पनि २१ गतेसम्मका लागि रोक
यसैगरी बीपी राजमार्गमा पनि २१ गतेसम्म राति गाडी चलाउन रोक लगाइएको छ । स्थानीय प्रशासनले असोज १६ गतेदेखि २१ गतेसम्म साँझ ५ बजेदेखि बिहान ५ बजेसम्म सार्वजनिक र निजी यात्रुबाहक सवारीसाधन सन्चालनमा रोक लगाएको हो ।
मनसुन सक्रिय हुन लागेकाले सम्भावित जोखिम न्यूनीकरणका लागि अत्यावश्यक सेवाका बाहेक सबै सवारी साधन रातिको बेला नचलाउने निर्णय भएको हो ।
