अर्थ प्रणाली 
काठमाडौं । साउन १८ गतेसम्ममा तीन प्रदेश कोशी, मधेश र गण्डकीमा कम रोपाई भएको छ । सरकारी तथ्याँकअनुसार कोशीमा ८९.०३, मधेशमा ५७.२८ र गण्डकीमा ८८.९७ प्रतिशत क्षेत्रफलमा रोपाई भएको हो । अन्य प्रदेशमा भने ९० प्रतिशतभन्दा माथि रोपाई भएको छ ।
सात प्रदेशबाट प्राप्त धान रोपाईसम्बन्धी सरकारी तथ्याँकअनुसार बागमती प्रदेशमा ९२.९२ प्रतिशत, लुम्बिनी प्रदेशमा ९५.९६ प्रतिशत, कर्णाली प्रदेशमा ९६.४७ प्रतिशत र सुदूरपश्चिम प्रदेशमा ९९.७२ प्रतिशत रोपाई सम्पन्न भएको छ । कुलरुपमा हेर्दा देशभर ८३.८८ प्रतिशत क्षेत्रफलमा रोपाई सम्पन्न भएको छ ।
यसवर्ष समयमै पानी नपर्दा रोपाई प्रभावित भएको हो । विशेषतः मधेश प्रदेशमा कम रोपाई भएपनि शनिबारदेखि पानी परेका कारण भने धमाधम रोपाई भइरहेको छ ।
अघिल्लो वर्ष भने साउन २० गतेसम्ममा ९६.४७ प्रतिशत क्षेत्रफलमा रोपाई सम्पन्न भएको थियो ।
