अर्थ प्रणाली 
सिन्धुली । २०८१ साल असोज १२ र १३ गतेको अविरल वर्षापछि रोशी खोलामा आएको विनाशकारी बाढीले क्षतिग्रस्त बनाएको विपी राजमार्गको सिन्धुली खण्ड पुनर्निर्माण कार्य ४३ प्रतिशत सक्किएको छ ।
सडक डिभिजन कार्यालय खाल्टेका अनुसार सिन्धुलीको नेपालथोकदेखि बर्खे खोलासम्म करिब पाँच किलोमिटर सडक पुनर्निर्माणको काम सम्पन्न भएको छ । त्यतिबेला बाढीले विपी राजमार्गका विभिन्न भाग कटान गरी बगाएको थियो ।
सडक डिभिजन कार्यालयका अनुसार सिन्धुलीतर्फ बर्खाको समयमा सवारी आवागमन रोक्न नपर्ने गरी निर्माण कार्य भइरहेको छ ।
जोखिमयुक्त क्षेत्रमा मजबुत संरचना निर्माण गरिएकाले आगामी वर्षायाममा पनि सडक सुरक्षित रहने विश्वास गरिएको छ ।
