अर्थ प्रणाली 
काठमाडौं । यूनाइटेड अजोड इन्स्योरेन्सले शेयरधनीलाई बोनस शेयर दिने घोषणा गरेको छ । कम्पनीको सञ्चालक समितिले आव २०८१/८२ को वितरणयोग्य मुनाफाबाट हाल कायम चुक्ता पूँजी रु.२ अर्व ३१ करोडको ४.२८५७ प्रतिशत बोनस शेयर दिने निर्णय गरेको छ । त्यसैगरी कम्पनीले बोनस शेयरमा लाग्ने कर प्रयोजनको लागि ०.२२५६ प्रतिशत नगद लाभांश दिने घोषणा गरेको छ ।
प्रस्तावित लाभांश नेपाल बीमा प्राधिकरणको स्वीकृतिपश्चात आगामी वार्षिक साधारण सभाले पारित गरेपछि शेयरधनीलाई वितरण गरिनेछ ।
यता एक्सेल डेभलपमेन्ट बैंक लिमिटेडले शेयरधनीलई कुनै पनि लाभांश वितरण नगर्ने निर्णय गरेको छ ।
बैंकको संचालक समितिको ३४५ औं बैठकले आव २०८१/०८२ सम्मको वितरणयोग्य मुनाफाबाट कुनै लाभांश वितरण नगर्ने निर्णय गरेको हो ।
