अर्थ प्रणाली 
विराटनगर । उद्योग व्यवसाय क्षेत्रमा युवाहरूलाई प्रेरित गर्दै स्वदेशमै स्वरोजगार र रोजगारको अवसर पहिल्याउने लक्ष्यका साथउद्योग संगठन मोरङले बिजनेस एट स्कुल कार्यक्रमको दास्रोे श्रृंखला सत्य नारायण माध्यमिक विद्यालय, विराटनगरमा सम्पन्न भएको छ । कार्यक्रममा मनमोहन पोलिटेक्निकले ईन्टरनेट अफ थिंग्स, ज्ञान अटोमेशनले ईण्डट्रिज अटोमेशन, शिर्षक ईन्टरप्राईजेजलेसि.सि.टि.भि क्यामेरा सेटअप, इन्द« मोबाइल सेन्टरले मोबाइल मर्मत, कविता ट्रेड सेन्टरले ल्यापटप मर्मत सम्बन्धी विषयमा कक्षा ९ देखि १२ का विद्यार्थीहरुका लागि टेस्ट द ट्रेनिङ कार्यक्रम संञ्चालनगरेका थिए भने सोही अवधिमा प्लाष्टिक पुनः प्रयोग गरी बनाइएका सामाग्रीहरुको प्रदर्शनी, करियर काउन्सेलिङ, सिप तथा उत्पादन प्रर्दशनी, लाईभ तालिम, विद्यार्थीका लागि भी आर मार्फत भर्चुअल उद्योग भ्रमण, विजनेश आईडियाप्रस्तुती तथा सफल व्यक्तित्वहरुका अनुभवहरु साटासाट गरिएको संगठनले जनाएको छ ।
यस पहलले कक्षा कोठाभित्र सीमित रहेको सिकाइलाई जीवन उन्मुख बनाउने विद्यार्थीले आफ्नो रुचि, क्षमतार भविष्यका सम्भावनाहरू स्पष्ट रूपमा पहिचान गर्न यो कार्यक्रम सहयोगी भएको तथा युवाहरुमा रहेको अन्योलतालाइ चिर्दै स्थानीय तहमा पनि अवसर तथा सम्भावना रहेको संगठनका उपाध्यक्ष सुरेन्द्र गोल्छाले स्पष्ट पारे ।
सत्य नारायण माध्यमिक विद्यालयका प्रधानाध्यापक मनोज भट्टराईले यस कार्यक्रमले विद्यार्थी भाइबहिनीलाई स्वदेशमै सफल उद्यमी बन्न सक्ने अवसर देखाउनेमा विश्वास व्यक्त गरे । स्वदेशमै उज्ज्वल भविष्य निर्माण गर्न सकिने सम्भावना उजागर गर्ने अभियानको रूपमा उक्त कार्यक्रमलाई आगामीदिनमा अन्य विद्यालयहरूमा संचालन गर्ने लक्ष्य लिएको उद्योग संगठन मोरङले जनाएको छ । कार्यक्रमलाई इन्स्योर,क्वालिटी, एन.भि.क्यू.एस परियोजनाले प्राविधिक सहयोग गरेको छ ।
गत मंसिर २४ गते नरग्राम माध्यमिक विद्यालय बुढीगंगामा पाइलटिङ्ग गरिएको पहिलो अंकमा ११ वटा उद्योगको प्रदर्शनी रहेकामा यसपटक १६ वटा भएको छ भने कार्यक्रममा यसपटक विधार्थीका लागि भर्चुअल माध्यमबाट भी आर प्रयोग गरी उद्योग भ्रमणको पनि ब्यवस्थाका साथै कार्यक्रम अवधिमा विद्यार्थीहरुलाई अनलाइन माध्यबाट करियर काउन्सिलिङको परिणाम हेर्न सक्ने व्यवस्था समेत मिलाएको संगठनमा कार्यसमिति सदस्य तथा इण्डष्ट्रि एकेडेमिया लिङकेज कमिटीका संयोजक सृजन प्याकुरेलले जानकारी गराए ।
