अर्थ प्रणाली 
काठमाडौं । आर्थिक वर्ष २०८१/८२ मा दर्ता भएका कुल ७०० उद्योगहरुमध्ये ५४३ उद्योग बागमती प्रदेशमा मात्रै दर्ता भएका छन्। नेपाल राष्ट्र बैंकले सार्वजनिक गरेको आर्थिक गतिविधि अध्ययन २०८१/८२ को वार्षिक प्रतिवेदन (एकिकृत) ले यो विवरण देखाएको हो ।
आर्थिक वर्ष २०८१/८२ मा उद्योग विभागमा पर्यटन क्षेत्रमा २३५, सेवा अन्तर्गत ११०, उत्पादनमूलक क्षेत्रमा १०६, ऊर्जामा ३८, सूचना तथा प्रविधिमा १८५, कृषि तथा वनमा १२, पूर्वाधारमा २ र खनिजजन्यमा १२ गरी कुल ७०० उद्योगहरु दर्ता भएका हुन्।
यसमध्ये ६८ वटा ठूला, ५४ वटा मझौला र ५७८ वटा साना उद्योगहरु रहेका छन् । उक्त उद्योगहरुमा रु. २५ खर्व ८१ अर्ब १८ करोडको कुल पुँजी परिचालन भई ३५ हजार १ सय ४१ रोजगारी प्रस्ताव गरिएको छ ।
उद्योग विभागको स्रोतलाई उल्लेख गरी राष्ट्र बैंकले उक्त तथ्याँक दिएको हो ।
