अर्थ प्रणाली 
काठमाडौं । फेदीखोला हाईड्रोपावर कम्पनी लिमिटेडमा रुपान्तरण भएपछिको कम्पनीको पहिलो साधारणसभा काठमाडौंमा सम्पन्न भएको छ । साधारणसभमा कम्पनीले भोजपुर जिल्लाको साल्पासिलिछो गाउँपालिका वडा नं ६ मा बहने फेदीखोलामा फेदीखोला (थुमलुङ्ग) मा निर्माण गरिरहेको आयोजना ४.३ मेगावाट २०८२ साल पुस अन्तिमसम्ममा सम्पन्न गर्ने जानकारी दिएको छ ।
साधारणसभामा आयोजनाको निर्माण सम्पन्न गर्न रु. ९४ करोड लाग्ने अनुमान गरिएकोमा २०८१ साल साउन १५ गतेको बाढीको कारणले ४ करोड लागत वृद्धी भई ९८ करोड लाग्ने र जसको ४९ प्रतिशत अर्थात् ४८ करोड स्वपूँजी शेयर धनीहरूबाट र बाँकी ५१ प्रतिशत अर्थात् ५० करोड राष्ट्रिय वाणिज्य बैकबाट ऋणस्वरुप जुटाईएको समेत कम्पनीले जानकारी दिएको छ ।
साधारणसभाले कम्पनीको अधिकृत पुँजी ६० करोडमा १० थपगरी ७० कराड पुर्याउने र सोको २५ प्रतिशत अर्थात् १७ करोड ५० लाखको सर्वसाधारणको लागि शेयर निष्काशन गर्ने निर्णय गर्दै सो कार्यान्वयनको लागि संचालक समितिलाई अख्तियारी समेत दिएको छ ।
यसैगरी साधारणसभाले वन्डर्स ईनर्जी प्रालि (खिम्ती घ्वाङ्ग खोला जलविद्युत आयोजना ९ मेगावाट) मा रु. ५ करोड लगानी गर्ने प्रतिवद्धतासहित १ करोड र इस्र्टन ईनर्जी प्रालि ( ईर्खुवा खोला जलविद्युत आयोजना १५ मेगावाट) मा रु. १५ करोड लगानी गर्ने प्रतिवद्धता सहित २ करोड ५० लाख गरेको लगानी पारित गर्दै थप लगानी गर्ने समते निर्णय गर्दै कम्पनीको मुख्य लगानीमा २०९० साल भित्रमा कम्तीमा १०० मेगावाट क्षमताको आयोजना अगाडि बढाउने समेत निर्णय गरेको छ ।
साथै कम्पनीको नियमावली कम्पनीमा ५ जना सञ्चालकहरू रहनेमा अगामी कार्यकाल ४ वर्षको लागि संस्थापक (क) समूहबाट ३ जना चन्द्र प्रसाद बास्तोला, प्रकाश चन्द्र दुलाल र कविता अधिकारीलाई चयन समेत गरेको समेत कम्पनीले जानकारी दिएको छ ।
