अर्थ प्रणाली 
काठमाडौं । प्रतिनिधि सभा निर्वाचनअन्तर्गत मतगणना जारी छ । अहिलेसम्म ५१ लाख १२ हजार ०९० मत गणना भइसकेको छ । त्यसमा राष्ट्रिय स्वतन्त्र पार्टी (रास्वपा)ले २५ लाख २० हजार ८१० मत प्राप्त गरेको छ ।
समानुपातिकमा १ लाख मत कटाउने अरू दलहरुमा नेपाली काँग्रेस, नेकपा एमाले, नेपाली कम्युनिष्ट पार्टी, राष्ट्रिय प्रजातन्त्र पार्टी (राप्रपा) र श्रम संस्कृति पार्टी मात्रै रहेका छन् ।
समानुपातिकमा नेपाली काँग्रेसले ८ लाख ४९ हजार १३१ मत पाएको छ ।
यस्तै नेकपा (एमाले) ले ७ लाख २७ हजार ७७४ मत, नेपाली कम्युनिष्ट पार्टीले ३ लाख ४७ हजार ३८४ मत, राष्ट्रिय प्रजातन्त्र पार्टीले १ लाख ८२ हजार ६४८ मत र श्रम संस्कृति पार्टीले १ लाख २६ हजार १९० प्राप्त गरेको छ ।
