अर्थ प्रणाली 
काठमाडौं । साल्ट ट्रेडिङ कर्पोरेसनले आयोजना गरेको टी २० विश्वकप क्विज अभियानका भाग्यशाली विजेता हरि दाहाललाई उपहारसहित पुरस्कृत गरेको छ । बुधबार एक कार्यक्रम गरी दाहाललाई पुरस्कृत गरिएको हो ।
कर्पोरेसनका उच्च पदाधिकारीहरू समेतको उपस्थितिमा कर्पोरेसनका प्रमुख कार्यकारी अधिकृत उर्मिला श्रेष्ठले दाहाललाई पुरस्कृत गरेकी हुन् ।
खेलप्रतिको दाहालको लगाव र साल्ट ट्रेडिङ अभियानमा देखाएको सक्रिय सहभागिताका लागि उनलाई कम्पनीले बधाई दिनुका साथै धन्यवाद व्यक्त गरेको छ ।
कम्पनीले कार्यक्रममा सहभागी हुने सम्पूर्ण खेलप्रेमीहरूमा आभार व्यक्त गर्दै आगामी दिनमा पनि साल्ट ट्रेडिङका यस्तै रोचक अभियानहरूमा साथ र सहयोगको अपेक्षा राखेको छ ।
