अर्थ प्रणाली 
काठमाडौं । फागुन २१ गते हुने प्रतिनिधि सभा सदस्य निर्वाचनमा व्यक्तिको परिचय खुल्ने ६ वटा कागजातबाट मतदान गर्न पाइने भएको छ ।
मतदाताको सहजतालाई ध्यानमा राख्दै निर्वाचिन आयोगले मतदानका लागि वैकल्पिक परिचयपत्रको व्यवस्था गरिएको हो ।
मतदाता नामावलीमा नाम भएका तर मतदाता परिचयपत्र नभएका नागरिकले नेपाली नागरिकताको प्रमाणपत्र, राष्ट्रिय परिचयपत्र, राहदानी, जग्गाधनी प्रमाणपूर्जा वा सवारी चालक अनुमतिपत्रमध्ये कुनै एउटा आधिकारिक कागजात देखाएर पनि सहजै मतदान गर्न पाउनेछन् ।
यस विषयमा मतदान केन्द्रमा खटिने सुरक्षाकर्मी र कर्मचारीलाई आवश्यक सूचना संप्रेषण गरिसकेको आयोगले जनाएको छ ।
