अर्थ प्रणाली 
काठमाडौं । नेपाल वितरक संघ काठमाडौं पूर्व क्षेत्रीय समितिको चौथो अधिवेशन २०८२ ले निलकण्ठ ढकालको संयोजकत्वमा नयाँ कार्यसमिति सर्वसम्मतरुपमा चयन गरेको छ । समितिको शनिबार सम्पन्न अधिवेशनले उपसंयोजकमा प्रविण कुमार कर्माचार्य चयन भएका छन् । पूर्व क्षेत्रीय समितिको सचिवमा सुबोध कुमार झा, सदस्यहरुमा शिव कुमार चौलागाईं, हरिशरण मैनाली, श्याम शर्मा, प्रभात नायक, पारश मणि आचार्य, राजन निरौला, पुरुषोत्तम दाहाल, जय आचार्य, अमृता सिंह र सुजन लामिछाने चयन भएका छन् ।
नेपाल वितरक संघ काठमाडौं पूर्व क्षेत्रीय समितिको वस्तुगत उप समिति–२०८२ पनि शनिबार नै सर्वसम्मतरुपमा चयन गरिएको छ । समितिको खाद्य वस्तुगत उपसमिति संयोजकमा श्याम शर्मा चयन भएका छन् । उपसमितिको सदस्यहरुमा कमल गौतम, सन्तोष सुवेदी, अशोक गुप्ता, मणि फुँयाल, अभिनय ढुङ्गाना र उज्ज्वल घिमिरे सर्वसम्मतरुपमा चयन भएका छन् ।
कस्मेटिक तथा अखाद्य किराना वस्तुगत उपसमिति संयोजकमा हरिशरण मैनाली चयन भएका छन् । उपसमिति सदस्यहरुमा विदुर आचार्य, विनोद दाहाल, श्याम गिरि, विष्णु कँडेल, किरण भट्टराई, राजु बस्याल, राज कुमार कँडेल, इस्रत अन्सारी, दिनेश नेपाल र तुलसी खतिवडा चयन भएका छन् ।
त्यसैगरी हल्का पेय पदार्थ तथा मदिराजन्य वस्तुगत उपसमिति संयोजकमा शिव कुमार चौलागाईँ चयन भएका छन् । सदस्यहरुमा अच्युत उप्रेती, लेखनाथ थपलिया, देव नारायण चौलागाईँ र प्रविण श्रेष्ठ चयन भएका छन् ।
अधिवेशनले सल्लाहकार समिति पनि गठन गरेको छ । सल्लाहकार समिति संयोजकमा विश्वमणि रेग्मी चयन भएका छन् । सल्लाहकार समिति सदस्यहरुमा रमेश नेमाफुकी र कमल बराल चयन भएका छन् ।
अधिवेशनको उद्घाटन गर्दै नेपाल वितरक संघका अध्यक्ष प्रेमहरि मैनालीले एकताबद्ध वितरक संघ आफ्नो इच्छा रहेको बताए । उनले सदस्यहरुको मूलभूत आवश्यकता परिपूर्ति गर्न संघले काम गर्ने बताए । अध्यक्ष मैनालीले सामूहिक दुर्घटना बीमामा आबद्द हुन सबै वितरकहरुलाई आग्रह गरे । वितरकहरुका लागि विभिन्न तालिम उपलब्ध गराउने उद्घोष गर्दै उनले वितरकका क्षमता विकासमा संघले काम गर्ने बताए । सदस्यको समस्या समाधान गर्न आफू तयार रहेको भन्दै उनले सदस्यहरुका हितका लागि सञ्चालित जुनसुकै कार्यक्रममा उपस्थित हुन आग्रह गरे ।
अधिवेशनमा पूर्व अध्यक्ष दुर्गाराज श्रेष्ठ, पूर्व अध्यक्ष राजेन्द्र सिंखडा, पूर्व अध्यक्ष एसपी ढकाल, वरिष्ठ उपाध्यक्ष नवराज ढकाल, उपाध्यक्ष केशव प्रसाद मैनाली लगायतले शुभकामना दिँदै पारदर्शी र व्यवस्थित कारोबारमा लाग्न सबैलाई आग्रह गरे । सदस्यको हक र हितमा आफूहरु सदैव लाग्ने उनीहरुले बताए ।
