अर्थ प्रणाली 
काठमाडौं । काठमाडौं उपत्यकाभरकै कर्फ्यु आदेशको अवज्ञा गर्दै बिहानैदेखि चोकचोकमा स्वतस्फूर्तरुपमा आन्दोलन चर्किरहेको छ । प्रदर्शनमा उत्रिएका युवालाई प्रहरीले पक्राउ पनि गर्न थालेको छ ।
हामीले काठमाडौंको मुख्य नाका कलंकीको स्थलगत अवलोकन गर्दैगर्दा चोकको चारैतर्फ प्रदर्शनकारी बिहानैदेखि टायर बालेर नाराजुलुससहित आन्दोलन गरिरहेका छन् । उनीहरुले हालका प्रमुख तीन दलका शिर्ष नेताहरुलाई गाली गलौच गर्दै नाराबाजी चर्काएका छन् र सरकारको विरोध गरिरहेका छन् ।
खुनको बदला खुन हुनुपर्ने उनीहरुको माग रहेको छ । प्रदर्शनकारीले आन्दोलनलाई निष्कर्षमा नपुर्याइ नछाड्ने चेतावनी दिएका छन् ।
देशभर नै आन्दोलन भुषकाे आगोझैं फैलिएको छ ।
