अर्थ प्रणाली 
काठमाडौं । आक्र्स ग्रुपले नेपालमा जुबाओ विद्युतीय भ्यान भित्र्याएको छ । कम्पनीले १४ सिटे विद्युतीय भ्यान ल्याएको हो । यसप्रति प्रारम्भिक दिनमै व्यवसायीको आकर्षण बढेको पाइएको छ ।
आक्र्स ग्रुपले सोमबार राजधानीमा विशेष कार्यक्रमको आयोजना गरी स्वयम्भू हारती टुर्स एण्ड ट्राभल्स प्रालिलाई १८ थान जुबाओ भ्यान हस्तान्तरण गरेको छ ।
जुबाओ ईभी थ्यान चीनको एफएडब्लू जिलिन् कम्पनीद्वारा उत्पादन गरिएको एक अत्याधुनिक इलेक्ट्रिक गाडी हो ।
जुबाओ विद्युतीय भ्यान विशेषगरी समूह यात्रा, शटल सेवा र व्यावसायिक यातायातका लागि उपयुक्त रहेको जनाइएको छ । कम्पनीका अनुसार यो गाडीले वातावरणमैत्री र न्यून सञ्चालन खर्चका साथ यात्रामा आरामदायक सुविधा प्रदान गर्दछ । आक्र्स ग्रुपद्वारा नेपाली बजारमा उपलब्ध गराउँदै आएको यो भ्यान, हरित र दिगो यातायातको उत्कृष्ट विकल्प बनेको बताइएको छ ।
