ललितपुरमा आज विद्युत कटौती हुने, कुन–कुन स्थानमा जान्छ बिजुली ?

काठमाडौं । नेपाल विद्युत प्राधिकरणले ललितपुरका विभिन्न स्थानमा आज बिजुली कटौती गर्ने भएको छ । प्राधिकरणले एक सूचना प्रकाशित गरी पुल्चोक वितरण केन्द्रको पाटन फिडरअन्तर्गत पर्ने विभिन्न स्थानमा बिजुली कटौती हुने जानकारी दिउको हो । प्राधिकरणले दिएको सूचना अनुसार भनीमण्डल, एकान्तकुना, लामाचौर, समिट होटल, बखुन्डोल, पुरानो मन्त्री क्वाटर, सम्झिखेल, अरूण थापा चोक क्षेत्रमा आज दिउँसो १२ देखि २ बजेसम्म लाइन जानेछ । पाटनको एक सय ३२ केभी सबस्टेशनको प्राविधिक कामका लागि लाइन काटिन लागेको प्राधिकरणले जनाएको छ ।

ती स्थानमा बिजुली काटिँदा ग्राहकमा पर्नजाने असुबिधाप्रति माफी माग्दै प्राधिकरणले निर्धारित कार्य तोकिएको समयअगावै सम्पन्न गरी नियमित बिजुली उपलब्ध गराइने जनाएको छ ।