अर्थ प्रणाली 
काठमाडौं । सामूहिक लगानी कोष (म्युचुअल फण्ड) ले प्रथम चरणमा ४ करोड इकाई बिक्री गर्ने भएको छ । यसका लागि भोलिदेखि बिक्री खुल्ला हुँदैछ ।
सर्वसाधारणका लागि खुल्ला हुने सानिमा फ्लेक्सी फण्ड छिटोमा फागुन ११ गते र ढिलोमा फागुन २० गतेसम्म इकाई बिक्री खुला हुनेछ । इच्छुक लगानीकर्ताहरुले (व्यक्ति तथा संस्था) यस योजनामा न्यूनतम १ हजार रुपैयाँदेखि अधिकतम ४ करोड रुपैयाँसम्म लगानीका लागि आफ्नो सी–आश्वा खाता रहेको बैंक वा मेरो शेयरमा लगईन गरी अनलाईन आवेदन गर्न सक्नेछन् ।
सानिमा बैंक लिमिटेड, कोष प्रबद्र्धक तथा सानिमा क्यापिटल लिमिटेड योजना ब्यवस्थापक तथा डिपोजिटरी रहेको “सानिमा म्युचुअल फण्ड”अन्तर्गत संचालन हुने चौथो तथा पहिलो खुलामुखी योजना “सानिमा फ्लेक्सी फण्ड” संचालन गर्ने अनुमति नेपाल धितोपत्र बोर्डबाट माघ २ गते प्राप्त भएको थियो । यस योजनाको पहिलो चरणमा स्विकृत आकार १ अर्ब रुपैयाँ रहेको छ । खुलामुखी प्रकृतिको यस सामूहिक लगानी कोष योजनाको कुल आकार प्रतिइकाई अंकित मूल्य १० रुपैयाँ दरको १० करोड इकाईमध्ये ४०% अर्थात् ४ करोड इकाई प्रथम चरणमा सार्वजनिक रुपमा बिक्रीका लागि खुल्ला गरिने भएको हो । उक्त निष्काशन गरिने इकाईमध्ये योजनाको कुल आकारको १५ (पन्ध्र) प्रतिशत अर्थात् १ करेड पचास ५० लाख इकाई मध्ये कोष प्रवद्र्घक सानिमा बैंक लिमिटेडलाई १३ प्रतिशत अर्थात् १ करोड ३० लाख इकार्ई तथा योजना व्यवस्थापक सानिमा क्यापिटल लिमिटेडलाई २ प्रतिशत अर्थात् २० लाख इकाई सुरक्षित राखी बाँकी रहने ८ करोड ५० लाख इकाईमध्ये प्रथम चरणमा सर्वसाधारणहरुमा २ करोड ५० लाख इकार्ई सार्वजनिक रुपमा बिक्रीको लागि खुल्ला गरिने कम्पनीले जनाएको छ ।
यस योजना एक खुलामुखी प्रकृतिको योजना भएकाले यसका इकाईहरु कुनै पनि धितोपत्र बजारमा सूचिकरण नहुने हुँदा यस योजनाको सार्वजनिक निष्काशन पश्चात दोस्रो चरणमा सामूहिक लगानी कोष नियमावली, २०६७ वमोजिम योजनाको इकाई योजना व्यवस्थापक तथा योजना व्यवस्थापकले तोकेको वितरकहरुमार्फत निरन्तर खरिद बिक्रीको लागि खुल्ला गरिने बताइएको छ । जस अन्र्तगत यस योजनामा लगानी गर्न चाहने लगानीकर्ताहरुले योजना व्यवस्थापकको कार्यालय सम मार्ग, नक्साल वा तोकिएको वितरक कार्यालयहरु साथै अनलाईन मार्फत इकाई खरिदका लागि आवेदन दिएर वा व्यवस्थित लगानी योजनामार्फत सहभागी भई लगानी गर्न सक्नेछन् ।
सानिमा बैँक लिमिटेडको पूर्ण स्वामित्वमा रहि विगत ९ बर्षदेखि संचालनमा रहेको नेपालको पूँजीबजारमा एउटा दक्ष तथा अनुभवी योजना व्यवस्थापकको परिचय बनाउन सफल योजना व्यवस्थापक सानिमा क्यापिटल लिमिटेडको व्यवस्थापकत्वमा सानिमा म्युचुअल फण्ड अन्तर्गत यस अघि नै तीन वटा बन्दमुखी योजनाहरु समेत संचालनमा रहेको छ । जसमध्ये सानिमा इक्विटी फण्डले आफ्नो ७ वर्ष समयावधि पूूरा भई परिपक्क भईसकेको र इकाईधनीहरुलाई लगानी रकम फिर्ता गर्ने चरणमा रहेकोमा उक्त योजनाको अवधिभरमा कुल बार्षिक औसत प्रतिफल १७.५ प्रतिशत रहने अनुमान गरिएको छ ।
