अर्थ प्रणाली 
काठमाडौं । शेयरधनीलाई २१ प्रतिशतभन्दा बढी लाभाँश दिन लागेको आईएमई लाइफ इन्स्योरेन्स कम्पनी लिमिटेडले साधारण सभा बोलाएको छ ।
कम्पनीले फागुन १५ गते आइतबार दियो महल, धुम्बाराही, काठमाडौंमा आठौँ वार्षिक साधारण सभा आव्हान गरेको हो । साधारण सभा बिहान ११ बजे सुरु हुने कम्पनी सचिव प्रकाश न्यौपानेले जानकारी दिएका छन् ।
इन्स्योरेन्सले शेयरधनीलाई २१.०५२६४ प्रतिशत नगद लाभांश (कर प्रयोजनार्थ समेत) दिने निर्णय गरेको छ ।
साधारण सभा प्रयोजनका लागि कम्पनीले फागुन १५ गते एक दिनका लागि बुक क्लोज गर्दैछ । यस अनुसार फागुन १३ गतेसम्म कायम शेयरधनीले साधारण सभामा भाग लिन र इन्स्योरेन्सले वितरण गर्ने लाभांश प्राप्त गर्न सक्नेछन् ।
