अर्थ प्रणाली 
काठमाडौं । हिमालयन लाइफ इन्स्योरेन्स लिमिटेडको साधारण सभा आव्हान भएको छ । संचालक समितिको सोमबार बसेको ३५ औँ बैठकबाट कम्पनीको सत्रौं वार्षिक साधारण फागुन ११ गते आइतबार अनुपम फुडल्याण्ड बत्तिसपुतलीमा गर्ने निर्णय गरेको हो ।
साधारण सभाको प्रयोजनार्थ कम्पनीले माघ २५ गते एक दिनको लागि कम्पनीको शेयर दाखिल खारेज बन्द अर्थात् बुक क्लोज गर्ने निर्णय गरेको छ । यसअनुसार माघ २४ गतेसम्म कायम शेयरधनीले साधारण सभामा भाग लिन पाउनेछन् ।
इन्स्योरेन्सले शेयरधनीलाई १४ प्रतिशत बोनस शेयर वितरण गर्ने घोषणा गरिसकेको छ ।
कम्पनीको सञ्चालक समितिको ३४ औं बैठकले आर्थिक वर्ष २०७९/२०८० को वित्तीय विवरण बमोजिम शेयरधनीलाई १४ प्रतिशत बोनस शेयर वितरण गर्ने घोषणा गरेको थियो । यसमा प्रचलित कानुनी व्यवस्था बमोजिम बोनस शेयरमा लाग्ने कर बापतको रकम स्वयं शेयरधनीहरुले भुक्तानी गर्नुपर्ने निर्णय भएको छ ।
