अर्थ प्रणाली 
काठमाडौं। साना किसान विकास लघुवित्त वित्तीय संस्थाले शेयरधनीलाई वितरण गर्ने १४ प्रतिशत लाभाश पारित भएको छ । मंगलबार सम्पन्न संस्थाको २३औँ वार्षिक साधारणसभाले १३.३०% बोनस शेयर र कर प्रयोजनका लागि ०.७०% नगद लाभांश उपलब्ध गराउन गरको प्रस्ताव पारित भएको हो ।
सञ्चालक समितिको तर्फबाट अध्यक्ष खेमबहादुर पाठकले प्रस्ताव पेस गरेका थिए ।
संस्थाले आर्थिक वर्ष २०७९/८० मा ७७ करोड ३५ लाख खुद मुनाफा गरेकामा आव वर्ष २०८०/८१ मा १९ दशमलव १८ प्रतिशतले वृद्धि भई नाफा ९२ करोड १९ लाख रुपैयाँ पुगेको जनाएको छ । यसैगरी आव २०७९/८० मा कुल सञ्चालन आम्दानी एक अर्ब ६६ करोड ९५ लाख रहेकोमा आव २०८०/८१ मा ३१ प्रतिशतले वृद्धि भई दुई अर्ब १९ करोड ४१ लाख रुपैयाँ पुगेको छ ।
संस्थामा मुलुकका ७७ जिल्लाका पाँच सय ४६ स्थानीय तहमा एक हजार छ सय ९२ साझेदार संस्था रहेका छन् । कुल १२ लाख ३३ हजार छ सय ८४ परिवारलाई लघुवित्त सेवा पुर्याएको संस्थामा ८० प्रतिशत महिलाको सहभागिता रहेको छ ।
