अर्थ प्रणाली 
काठमाडौं । चिनियाँ राष्ट्रपति सी जिनपिङ नेपाललाई नौ अर्ब अनुदान सहयोग गर्ने घोषणा गरका छन् । परराष्ट्र मन्त्रालयका प्रवक्ता कृष्णप्रसाद ढकालले दिएकाे जानकारीअनुसार प्रधानमन्त्री केपी ओलीसँगको भेटपछि चिनियाँ राष्ट्रपति सीले उक्त सहयोग रकम घोषणा गरेका हुन् । राष्ट्रपति सिले चिनियाँ पाँच सय मिलियन आरएमबी अनुदान सहयोग गर्ने घोषणा गरेका हुन् ।
नेपालका प्रधानमन्त्री ओलीले बेइजिङमा आफ्ना चिनियाँ समकक्षी ली छ्याङ र चिनियाँ राष्ट्रपतिसँग छुट्टाछुट्टै भेटवार्ता गरेका छन् ।
दुई देशका प्रधानमन्त्रीको उपस्थितिमा पारस्परिक सहयोगका लागि विभिन्न नौ वटा सहमतिपत्रमा हस्ताक्षर भएको छ। सहमतिपत्रमा आर्थिक सहकार्य, व्यापार प्रवर्धन र भौतिक संरचना निर्माणका विषय समेटिएका छन्।
