अर्थ प्रणाली 
काठमाडौं । स्टार माइक्रो इन्स्योरेन्स कम्पनी लिमिटेडले आफ्नो जारी पूँजीको ३० प्रतिशतले हुन आउने २२,५०,००,००० रुपैयाँ बराबरको कूल २२,५०,००० कित्ता साधारण शेयर (आइपीओ) निष्काशन गर्ने भएको छ । प्रतिकित्ता १०० रुपैयाँ अंकित दरमा सर्वसाधारणका लागि आइपीओ निष्काशन गर्न लागिएको हो ।
इन्स्योरेन्सको आइपीओ निष्काशन तथा बिक्री प्रबन्धकमा एनआइएमबि एस क्यापिटल लिमिटेडलाई नियुक्त गरिएको छ । यससम्बन्धी सम्झौतापत्रमा निष्काशन कम्पनीका तर्फबाट प्रमुख कार्यकारी अधिकृत विश्वराम तिमिला र निष्काशन तथा बिक्री प्रबन्धकका तर्फबाट महाप्रबन्धक सचिन्द्र ढुङ्गानाद्वारा हस्ताक्षर गरिएको छ ।
न्यून आय भएका एवं पिछडिएका क्षेत्रका बासिन्दा र सिमान्तकृत समुदायका व्यक्तिहरुलाई निर्जीवन लघु बीमा सेवा पु¥याउने लक्ष्य लिई स्टार माइक्रो इन्स्योरेन्स कम्पनी लि.ले २०७९/०९/१४ मा दर्ता भइ २०८०/०५/०१ गतेदेखि निर्जीवन लघु बीमाको इजाजतपत्रप्राप्त गरी देशका विभिन्न स्थानहरुमार्फत लघुु निर्जीवन बीमासम्बन्धी कारोबार सञ्चालन गर्र्दै आईरहेको छ ।
