api apartment jhamsikhela mangsir 2081

skip this News Page Tips Ad Road Block

जारको पानीको ४७ रुपैयाँभन्दा बढी लिए कारबाही, बोटलको १६ रुपैयाँ

काठमाडौं । सरकारले काठमाडौंभित्र बिक्री हुने पानीको अधिकतम खुद्रा मूल्य (एमआरपी) तोक्दै बजारमा समानरुपमा कायम गर्न निर्देशन गरेको छ ।

वाणिज्य, आपूर्ति तथा उपभोक्ता संरक्षण विभागले एक विज्ञप्ति जारी गरी पानी उत्पादकहरुले एकै प्रकारको गुणस्तर, तापतौल र परिमाण भएको पानीमा फरक–फरक एमआरपी लगाएर बिक्री–वितरण गरिरहेको जानकारी आएकाले अब उप्रान्त त्यसो नगर्न सूचित गराएको छ ।

काठमाडौं उपत्यकामा बिक्री हुने जारको पानी (२० लि.) प्रति गोटाको अधिकतम खुद्रा बिक्री मूल्य (एमआरपी) ४७ रुपैयाँ र बोटल (१ लि.) प्रति गोटाको अधिकतम खुद्रा बिक्री मूल्य १६ रुपैयाँ रहेको विभागले जानकारी दिएको छ ।

विभागले कतिपय होटल, रेष्टुरेन्ट र व्यवसायिक फर्मसँग पानी उत्पादकहरुले सम्झौता गरी छुट्टै अधिक मूल्यको एमआरपी तोक्ने गरेको जनाएको छ । तोकिएको एमआरपीलाई वास्ता नगरी कोही कसैले कारोबार गरेमा कानुन बमोजिम कारवाही गर्ने चेतावनी विभागले दिएको छ ।

Health Tips Ad Road Block