विपन्नका लागि निःशुल्क उपचारका लागि सरकारद्वारा फ्रि हेल्थ पोर्टल सन्चालनमा, यस्ता छन् सुधारका कदमहरु ! 

काठमाडौं। विपन्न, असहाय र बेवारिसे नागरिकको उपचारमा पहुँच सुनिश्चित गर्न र अस्पतालहरूको सामाजिक उत्तरदायित्व अभिवृद्धि गर्न सरकारले ‘Free Health Portal’ सन्चालनमा ल्याएको छ। २०८२/१२/१३ मा नेपाल सरकार मन्त्रिपरिषद्ले निर्णय गरे बमोजिम शासकीय सुधारका १०० बुँदामध्ये स्वास्थ्य क्षेत्रसँग सम्बन्धित कार्यहरूको स्वास्थ्य तथा जनसंख्या मन्त्रालयको मिति २०८३ बैशाख २ गतेको प्रगति विवरणबारे जाबकारी दिँदै विपन्नका लागि निःशुल्क उपचार अन्तर्गत विपन्न, असहाय र बेवारिसे नागरिकको उपचारमा पहुँच सुनिश्चित गर्न र अस्पतालहरूको सामाजिक उत्तरदायित्व अभिवृद्धि गर्न ‘Free Health Portal’ सञ्चालनमा ल्याइएको जनाएको हो। हालसम्म १५ वटा अस्पतालले कुल शय्याको १० प्रतिशत निःशुल्क उपलब्ध गराउने विवरण यस पोर्टलमा प्रविष्ट गरिसकेको स्वास्थ्यको भनाइ छ।