अर्थ प्रणाली 
काठमाडौं । नेपाल टेलिकमले गत वर्षको मुनाफाबाट शेयरधनीलाई प्रतिशेयर ३० रुपैयाँका दरले नगद लाभांश दिने भएको छ ।
टेलिकमको पुस ८ गते मंगलबार बसेको सञ्चालक समितिको १०८९ औं बैठकले आव २०८१/८२ को खुद मुनाफाबाट कम्पनीका शेयरधनीलाई प्रतिशेयर रु. ३० रुपैयाँका दरले नगद लाभांश वितरण गर्ने निर्णय गरेको हो ।
प्रस्तावित लाभांश स्वीकृतिका लागि अर्थ मन्त्रालयमा पठाउने र मन्त्रालयबाट स्वीकृति प्राप्त भएपछि आगामी पुस ३० गतेको १८ औं वार्षिक साधारण सभाबाट पारित भएपछि वितरण गरिनेछ ।
