अर्थ प्रणाली 
काठमाडौं । कृषि विकास बैंक लिमिटेडले गत आर्थिक वर्षको मुनाफाबाट शेयरधनीहरुलाई वितरण गर्ने लाभांश घोषणा गरेको छ । बैंकले हाल कायम चुक्ता पूँजीको १३ प्रतिशत लाभांश वितरण गर्ने घोषणा गरेको हो ।
जसमध्ये ३.२५ प्रतिशत बोनस शेयर र ९.७५ प्रतिशत(कर प्रयोजनका लागि समेत) नगद लाभांश रहेको छ । कार्तिक १९ गते बसेको बैंकको सञ्चालक समितिको ११८७ औँ बैठकले उक्त लाभांश वितरण गर्ने निर्णय गरेको हो । बैठकले हाल कायम भएको फिर्ता नहुने अग्राधिकार शेयर पूँजीमा समेत वार्षिक ६ प्रतिशतले हुन आउने नगद लाभांश वितरण गर्ने निर्णय पनि गरेको छ ।
नेपाल राष्ट्र बैंकबाट स्वीकृत भइ आगामी वार्षिक साधारण सभाले पारित गरेपश्चात प्रस्तावित लाभांश वितरण गरिनेछ।
