अर्थ प्रणाली 
काठमाडौँ । सरकारले जेनजी आन्दोलनको क्रममा मृत्यु भएकाहरुलाई शहीद घोषणा गर्ने निर्णय गरेको छ । नवनियुक्त प्रधानमन्त्री सुशीला कार्कीले आइतबार पदभार ग्रहण गर्दै यस्तो निर्णय गरेको जानकारी गराएकी हुन् ।
उनले जेनजी आन्दोलनमा मृत्यु भएका व्यक्तिका परिवारलाई सरकारले प्रतिव्यक्ति १० लाख रुपैयाँ क्षतिपूर्ति उपलब्ध गराउने निर्णय भएको पनि जानकारी गराएकी छन् ।
सरकारले प्रदर्शनकाक्रममा घाइते भएका घाइतेहरूको निशुल्क उपचार र केही राहतको निर्णय गरेको जनाएको छ ।
कार्की शुक्रबार अन्तरिम सरकारको प्रधानमन्त्री नियुक्त भएकी थिइन् ।
