अर्थ प्रणाली 
काठमाडौं । सुदूरपश्चिम प्रदेशका मुख्यमन्त्री कमलबहादुर शाहको नेतृत्वको टोलीले संघीय तीनजना मन्त्री र एकजना राज्यमन्त्रीसँग छुट्टाछुट्टै भेटघाट गरेको छ । टोलीले गृहमन्त्री रमेश लेखक, उद्योग, वाणिज्य तथा आपूर्ति मन्त्री दामोदर भण्डारी, कृषि तथा पशुपंन्छी विकास मन्त्री रामनाथ अधिकारी, सचिव डा.गोविन्द प्रसाद शर्मा, वन तथा वातावरण राज्यमन्त्री रुपा विकसँग छुट्टाछुट्टै भेटघाट गरेको हो ।
सुदुरपश्चिम प्रदेश लगानी तथा विकास सम्मेलन- २०८२ को तयारीका लागि संघीय राजधानीमा विभिन्न मन्त्रालय, दातृ निकाय, निजि क्षेत्र, ब्यापारी, कुटनैतिक नियोगसंघ छलफल तथा अन्तक्रिर्या गरिरहेको रहेको छ ।
भेटमा सुदूरपश्चिम प्रदेशका मुख्यमन्त्री कमलबहादुर शाहले प्रदेश सरकारले सुदूरपश्चिमको विकासका लागि लगानी तथा विकास सम्मेलनको आयोजना गर्न लागेकोले आवश्यक सहयोग गर्न आग्रह गरेका थिए । उनले सुदूरपश्चिममा पर्याप्त सम्भावना रहेकाले लगानीका लागि सो किसिमको वातावरणमा निर्माण प्रदेश सरकारले गर्ने र लगानीकर्ता समेत लगानी गर्न इच्छुक रहेको जानकारी दिएका थिए ।
मुख्यमन्त्री शाहले प्रदेशको विकासका लागि संघ र प्रदेशका बीचका रहेका कानुनी कुराहरुलाई सहमति र छलफलबाट अगाडि बढाउनुपर्ने बताएका थिए ।
भेटमा कृषि तथा पशुपन्छी विकास मन्त्री रामनाथ अधिकारीले लगानी क्षेत्रका लागि उत्पादित वस्तु सुनिश्चित गर्न र निर्यात गर्नुपर्नेमा जोड दिए । उनले दातृ निकायहरू मात्र नभएर वैदेशिक इन्डिभिजुअल लगानीकर्ताहरू समेत आकर्षित गर्ने गरि नीति बनाउन र जग्गा व्यवस्थापन गर्न ध्यान दिएका छन्। साथै उनले कृषि क्षेत्रका चुनौतीहरुलाई अहिले नै पहिचान गर्न सके नोक्सानी कम गर्न सकिने बताएका छन्।
