अर्थ प्रणाली 
काठमाडौं । पेट्रोल, डिजेल/मट्टितेलको मूल्य बढेको छ । नेपाल आयल निगमले साविकको खुद्रा बिक्री मूल्यमा प्रतिलिटर पेट्रोलमा रु. १ र डिजेल तथा मट्टितेलमा प्रतिलिटर रु. २ ले बढाएको जनाएको छ । इण्डियन आयल कर्पोरेशनबाट आज १५ जुन २०२५ (असार ०१, २०८२) मा प्राप्त पेट्रोलियम पदार्थको नयाँ खरिद मूल्य अनुसार प्रतिलिटर पेट्रोलमा रु. १.४१ र डिजेलमा रु. १.६७ ले बढेर आएकाले मूल्य बढाएको जनाएको छ ।
बढाइएको मूल्य आज राति १ बजेदेखि लागु हुनेछ ।
नयाँ मूल्य अनुसार काठमाडौं, पोखरा, दिपायलमा एक लिटर पेट्रोलको १६० रुपैयाँ र डिजेल तथा मट्टितेलको १४५ रुपैयाँ पर्नेछ ।
