अर्थ प्रणाली 
काठमाडौं । दोस्रोपटक अमेरिकाको राष्ट्रपतिमा निर्वाचित डोनाल्ड ट्रम्पले विभिन्न निर्णयहरु गर्दै आएका छन् । यसैक्रममा ट्रम्पले युरोपमा उत्पादित भएर आयात हुने मदिरामा २०० प्रतिशत कर लगाउने चेतावनी दिएका छन् । अमेरिकी उत्पादन ह्विस्कीमा युरोपेली संघ (इयू) बाट लगाइएको करको बदलामा इयूका विभिन्न मुलुकबाट आयात हुने वाइन, स्याम्पेन र अन्य मदिराजन्य पदार्थमा २०० प्रतिशत कर लगाउने चेतावनी उनको छ ।
ट्रम्पले पदभार ग्रहण गरेदेखि नै अन्तराष्ट्रिय प्रतिस्पर्धी र साझेदार मुलुकविरुद्ध व्यापार र अन्य नीतिगत मुद्दामा विभिन्न देशलाई दबाब दिने उदेश्यसहित व्यापार युद्ध अगाडि बढाएको अन्तर्राष्ट्रिय स१चारमाध्यमहरुले उल्लेख गरेका छन् ।
इयूले ट्रम्पले स्टिल र आल्मुनियमको आयातमा लगाएको करको बदलामा अप्रिलदेखि अमेरिकी सामानमा २८ अर्ब अमेरिकी डलर बराबरको कर लगाउने घोषणा गरेपछि ट्रम्पले सामाजिक संजालमार्फत यूरोपेली मदिराजन्य आयातमा नयाँ करवृद्धिको घोषणा गरेका हुन्।
