अर्थ प्रणाली 
काठमाडौं । ट्रष्ट माइक्रो इन्स्योरेन्स लिमिटेडले आफ्नो जारी पूँजीको ३० प्रतिशतले हुन आउने २२,५०,लाख रुपैयाँ बराबरको २२,५० हजार कित्ता साधारण शेयर निष्काशन गर्ने भएको छ । इन्स्योरेन्सले प्रति शेयर १०० रुपैयाँ अंकित मूल्यमा साधारण शेयर निष्काशन गर्न लागेको हो ।
कम्पनीको धितोपत्र निष्काशन तथा बिक्री प्रबन्धकको कार्य गर्न एनआइएमबि एस क्यापिटल लिमिटेडलाई नियुक्त गरि आज सम्झौता गरिएको छ । सम्झौतापत्रमा निष्काशन कम्पनीका तर्फबाट प्रमुख कार्यकारी अधिकृत उज्वल ढुङ्गाना र निष्काशन तथा बिक्री प्रबन्धकका तर्फबाट महाप्रबन्धक सचिन्द्र ढुङ्गानाद्वारा हस्ताक्षर गरिएको छ ।
न्यून आय भएका एवं पिछडिएका क्षेत्रका बासिन्दा र सिमान्तकृत समुदायका व्यक्तिहरुलाई लघु बीमा सेवा पुर्याउने लक्ष्य लिई ट्रष्ट माइक्रो इन्स्योरेन्स लिमिटेडले कार्य गरिरहेको छ । कम्पनीले २०८० साल कार्तिक १२ गते निर्जीवन लघु बीमाको इजाजतपत्र प्राप्त गरी लघु निर्जीवन बीमा कम्पनीको हैसियतले २०८० साल चैत १ गतेदेखि लघु निर्जीवन बीमासम्बन्धी कारोबार सञ्चालन गर्दै आईरहेको छ ।
