अर्थ प्रणाली 
काठमाडौं । ओमोडा गाडीको नयाँ स्वरुम काठमाडौंको बसुन्धारामा सञ्चालनमा आएको छ । नेपाल विद्युत् प्राधिकरणका कार्यकारी निर्देशक कुलमान घिसिङकाे उपस्थितिमा स्वरुमको उद्घाटन गरिएकाे हाे । एबीटी मोटर्सद्धारा ओमोडा एण्ड जेइकोको नयाँ स्वरुम सञ्चालनमा ल्याइएको हो ।
नयाँ स्वरुम संचालनमा आएपछि नेपाली ग्राहकमाझ लोकप्रिय ओमोडाका गाडी किन्ने ग्राहकहरुका लागि सहजता भएको छ ।
स्वरुम उद्घाटन गर्दै नेपाल विद्युत प्राधिकरणका कार्यकारी निर्देशक कुलमान घिसिङले नेपाली अर्थतन्त्रका लागि विद्युतीय गाडीको भूमिका महत्वपूर्ण हुने बताए । पछिल्लो समय विद्युतीय गाडीहरुको प्रवद्र्धन भइरहेकोमा खुसी व्यक्त गर्दै उनले विद्युतीय गाडी प्रयोग गर्नेहरुले धेरै फाइदा लिनसक्ने भनाइ राखे । अर्थतन्त्रका हिसाबले पनि विद्युतीय गाडीले धेरै फाइदा पुग्ने उनले भनाइ राखे ।
उनले पेट्रोल र डिजेलको बढ्दो मूल्य र आपूर्तिमा समस्या देखिएको अवस्थामा विद्युतीय गाडीले इन्धनको आयातमा निर्भरता घटाउन सहयोग पुग्ने दाबीसमेत गरे ।
भूगोल अनुसार मोटर पावर, ग्राउन्ड क्लियरेन्स र रेन्ज भएकाले पछिल्लो समय नेपाली सडकमा ओमोडा ब्राण्डका गाडीहरुको उपस्थिति बढ्दै गएको छ ।
