अर्थ प्रणाली 
काठमाडौं । एमसिए–नेपालले एमसिए साझेदारी कार्यक्रम (एमपीपी) कार्यक्रम अगाडि बढाइरहेको जनाएको छ ।
यस अन्तर्गत विद्युत प्रसारण आयोजनाबाट प्रभावित हुने ३० समुदायहरूलाई सीप विकास, व्यवसाय वृद्धि र आयआर्जनका अवसर सिर्जनामा सहयोग गर्ने कार्यक्रम अगाडि बढाएको हो ।
सोही उद्देश्यले क्षमता अभिवृद्धि क्रियाकलापहरू अगाडि बढाइरहेको एमसिए नेपालले जनाएको छ।
एमसिए–नेपालको परामर्शदाता विनरक इन्टरनेशनलले कार्यान्वयन गरिरहेको यो कार्यक्रमले १० जिल्लाहरूमा ७९२ उद्यमीहरूलाई व्यवसाय व्यवस्थापन र विकास तालिम तथा १,२०० व्यक्तिहरूलाई प्रमाणित व्यावसायिक सीप तालिम प्रदान गर्ने जनाएको छ।
