अर्थ प्रणाली 
काठमाडौं । निरन्तर उकालो लागिरहेको डलरको मूल्यले आज पनि रेकर्ड कायम गरेको छ । नेपाल राष्ट्र बैंकका अनुसार आज डलरको बिक्रीदर १३७ रुपैयाँ ६६ पैसा रहेको छ । यसको अर्थ अब १ अमेरिकी डलर प्राप्त गर्न १३७ रुपैयाँ ६६ पैसा नेपाली रुपैयाँ खर्च गर्नु पर्नेछ ।
खरिददर भने १३७ रुपैयाँ ०६ पैसा रहेको छ।
आज नेपाली मुद्रा हालसम्मकै कमजोर अवस्थामा पुगेको छ ।
यसअघिका दिनमा डलर किन्न जति पैसा लाग्दथ्यो आज हालसम्मकै बढी नेपाली रुपैयाँ पर्ने भएको हो । अथवा अर्को भाषामा भन्नुपर्दा नेपाली रुपैयाँ अहिलेसम्मकै कमजोर बन्न पुगेको हो ।
