अर्थ प्रणाली 
काठमाडौं । आज सरकारी तवरबाट राष्ट्रिय गौरवका आयोजनाहरुबारे ब्रिफिङ लिने काम हुँदैछ । प्रधानमन्त्री केपी शर्मा ओलीले आज राष्ट्रिय गौरवका आयोजनाहरूको ब्रिफिङ लिले कार्यक्रम रहेको प्रधानमन्त्रीको सचिवालयले जनाएको छ ।
हाल सञ्चालनमा रहेका राष्ट्रिय गौरवका आयोजनाको प्रगति र आयोजना सञ्चालनका क्रममा आएको चुनौती लगायतको विषयमा आयोजना प्रमुख र सरोकारवालासँग प्रधानमन्त्रीले ब्रिफिङ लिन लागेका हुन् ।
राष्ट्रिय गौरवका आयोजनाहरूको अवस्थाबारे प्रधानमन्त्री तथा मन्त्रिपरिषद् कार्यालयमा दिउँसो तीन बजेका लागि बैठक बोलाइएको छ ।
नेपालमा सडक, सिँचाइ, जलविद्युत, सुरुङ मार्ग लगायतका ठूला योजनाहरू राष्ट्रिय गौरवका आयोजनाका रूपमा सञ्चालनमा रहेका छन् ।
