skip this News Page Tips Ad Road Block

आफ्नो कार्यकालमा निजी क्षेत्रले केही न केही भएको अनुभूती गर्नेछः मुख्यसचिव

काठमाडौं । नेपाल सरकारका नवनियुक्त मुख्यसचिव एकनारायण अर्यालले आफ्नो कार्यकालमा निजी क्षेत्रले केही न केही भएको अनुभूती गर्ने बताएका छन् । नेपाल उद्योग परिसंघ (सीएनआई) का प्रतिनिधिमण्डलसँगको छलफलमा अर्थतन्त्रको विकासका लागि सरकारलाई निजी क्षेत्रको सहयोग चाहिने अर्यालले बताए । पछिल्लो पटक केही कानुन संशोधन हुँदा त्यसले सकारात्मक काम गरेको बताउँदै उनले कानुन सुधार गरेर अगाडि बढ्ने धारणा राखे ।

नवनियुक्त मुख्यसचिव अर्याललाई बधाइ दिँदै परिसंघ अध्यक्ष राजेश कुमार अग्रवालले समग्र अर्थतन्त्रको विकासका लागि नीतिगत स्थायित्व र कानुनी सुधारमा ध्यान दिइनुपर्ने बताए । अर्थतन्त्रका केही सूचक सकारात्मक देखिएपनि उत्पादनशील एवं निर्माण क्षेत्र अझै पनि चलायमान हुन नसकेको उनले बताए । समग्र अर्थतन्त्रको विकासका लागि बजेटको प्रभावकारी कार्यान्वय एवं स्वदेशी उत्पादनको प्रयोग बढाउनुपर्नेमा उनले जोड दिए ।

परिसंघका पूर्वअध्यक्ष हरिभक्त शर्माले अनुकुल औद्योगिक वातावरण निर्माणका लागि प्रकृयालाई सरलिकरण गरिनुपर्ने, रोजगारी थप बढाउन रोजगारी दिइरहेका उद्योगहरुलाई प्रोत्साहन गर्नुपर्ने बताए ।

छलफलमा परिसंघका उपाध्यक्षद्वय वीरेन्द्र राज पाण्डे, अमित मोर, पदाधिकारी सदस्य गोकुल भण्डारी, महानिर्देशक डा‍. घनश्याम ओझालगायतले अर्थतन्त्रको विकासबारे आ–आफ्ना धारणा राखेका थिए ।

Health Tips Ad Road Block