अर्थ प्रणाली 
काठमाडौं । प्यारामाउंट मोटर्स, नेपालमा एमजी मोटर्सको आधिकारिक वितरक, एमजी जेएस् इभीमा कम्पनीले विशेष अफर ल्याएको छ । एमजी उत्पादनको १०० वर्षको सेलिब्रेसन, नाडा अटो शो र दशैं लक्षित अवसर पारेर ६ लाख रुपैयाँ बराबरको सहुलियत अफर ल्याएको प्यारामाउंट मोटर्सका जिएम् सचिन अर्यालले जानकारी दिए । २७ अगस्टदेखि ५ अक्टोबर २०२४ सम्म यो अफर लागु हुनेछ ।
कम्पनीका अनुसार यो अफर अन्तर्गत ५२ लाख ९९ हजार पर्ने एमजी जेएस् इभी अब ४६ लाख ९९ हजार रुपैयाँमा लिन सकिनेछ । ग्राहकले सबैभन्दा बढी रुचाएको गाडीमा यो छुट दिइएको प्यारामाउंट मोटर्सका जि एम अर्यालले बताएका छन् । उत्पादकसँगको सहकार्यमै सहुलियत घोषणा गरिएको अर्यालको भनाइ छ ।
यस मूल्यमा ग्राहकहरूले एमजी जेएस् इभीमा अब्बल आधुनिक सुविधाहरूको अनुभव गर्न सक्ने कम्पनीले जनाएको छ । यसमा छ वटा एयरब्याग्स, हिल लञ्च असिस्ट, फ्रन्ट कॉलिजन वार्निङ, स्पीड असिस्टेन्स सिस्टम, एडास लेभल २ र वायरलेस चार्जिङ समावेश रहेको कम्पनीले जनाएको छ।
‘हामी हाम्रो ग्राहकहरूलाई यो विशेष दशैंको अफर सार्वजनिक गर्न खुशी छौं।’ प्यारामाउंट मोटर्सका प्रवक्ताले भने। ‘एमजी जेएस् इभी भविष्यको इलेक्ट्रिक गाडी हो, जसमा उन्नत सुरक्षा र प्रविधि छ। यस सीमित समयको प्रस्तावको लाभ उठाउन र चाडपर्वलाई रमाइलो बनाउन हामी सबैलाई आमन्त्रण गर्छौं । यो विशेष प्रस्ताव २७ अगस्टदेखि ५ अक्टोबर २०२४ सम्म मात्र उपलब्ध छ। थप जानकारीको लागि नाडा एमजी स्टल एफ २ मा जानुहोस् वा नजिकको एमजी शोरूममा सम्पर्क गर्नुहोस् ।’
प्यारामाउंट मोटर्स नेपालमा एमजी मोटर्सको आधिकारिक वितरक हो, जसले उत्कृष्ट सवारी र सेवाहरू प्रदान गर्न प्रतिबद्ध रहँदै अगाडि बढिरहेको जनाएको छ।
