अर्थ प्रणाली 
काठमाडौं । नेपाल राष्ट्र बैंकले विभिन्न ५ वटा रेमिट्यान्स कम्पनीको अनुमतिपत्र (लाइसेन्स) खारेज गरेको छ ।
केन्द्रीय बैंकले शुक्रबार एक सूचना जारी गर्दै राम्रो रेमिट, ग्लोबल माउन्टेन रेमिट, संसार रेमिट, ललित मनी ट्रान्सफर र माक्स मनी ट्रान्सफरको लाइसेन्स स्वतः खारेज भएको जनाएको हो ।
राष्ट्र बैंक विप्रेषण विनियमावली–२०७९ अनुसार यी कम्पनीहरुलाई खारेज गरिएको केन्द्रीय बैंकले स्पष्ट पारेको छ ।
राष्ट्र बैंकले माथि तोकिएका विप्रेषण कम्पनीहरुसँग कोही कसैको लेनदेन वा हिसाबकिताब भएमा आगामी ३५ दिनभित्र राष्ट्र बैंकमा जानकारी दिन आग्रह गरेको छ ।
