अर्थ प्रणाली 
काठमाडौं । बजारमा आजदेखि आजदेखि पेट्रोल, डिजेल र मट्टितेलको मूल्य बढेको छ । नेपाल आयल निगम लिमिटेडले मूल्य समायोजन प्रक्रियाअनुसार मूल्य बढाइएको जनाएको छ ।
निगमले आज बिहान १ बजेदेखि लागु हुनेगरी साविकको खुद्रा बिक्री मूल्यमा प्रतिलिटर पेट्रोलमा १ रुपैयाँले र डिजेल/मट्टितेलमा ३ रुपैयाँले बढाइएको जनाएको छ ।
इण्डियन आयल कर्पोरेशनबाट फेब्रुअरी १५ मा प्राप्त पेट्रोलियम पदार्थको नयाँ खरिद मूल्यअनुसार प्रतिलिटर पेट्रोलमा १ रुपैयाँ ५१ पैसा र डिजेलमा ५ रुपैयाँ ०२ पैसाले बढेर आएपछि मूल्य समायोजन गरिएको निगमले स्पष्ट पारेको छ ।
नयाँ मूल्यअनुसार चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जमा अब पेट्रोलको १५४ रुपैयाँ ५० पैसा र डिजेल/मट्टितेलको १३९ रुपैयाँ पचास पैसा पर्दछ । यस्तै सुर्खेत र दाङ्गमा पेट्रोलको १५६ रुपैयाँ र डिजेल/मट्टितेलको १४१ रुपैयाँ पर्दछ । यसैगरी काठमाडौं, पोखरा र दिपायलमा पेट्रोलको १५७ रुपैयाँ र डिजेल/मट्टितेलको १४२ रुपैयाँ पर्दछ ।
