अर्थ प्रणाली 
काठमाडौं । आज पुस १३ गते मंगलबार सुनको भाउ बढेर नयाँ रेकर्ड कायम भएको छ । आज सुन प्रतितोला ३ लाख ९ हजार ३ सय रुपैयाँमा पुगेर नयाँ रेकर्ड कायम भएको नेपाल सुनचाँदी व्यवसायी महासंघले जनाएको छ ।
हिजो ३ लाख ९ हजार रुपैयाँ प्रतितोलामा सुनको कारोबार भएर रेकर्ड कायम भएको थियो ।
आज चाँदीको भाउ पनि तोलामा १०५ रुपैयाँले बढेर प्रतितोला ६ हजार ८ सय ७० रुपैयाँमा पुगेको महासंघले जनाएको छ । चाँदीको मूल्यले पनि आज नेपाली बजारमा रेकर्ड बनाएको हो ।
