अर्थ प्रणाली 
काठमाडौं । दैनिकरुपमा नयाँ रेकर्ड कायम गरिरहेको सुनको मूल्यले नेपाली बजारमा आज असोज २३ गते बिहीबार पनि नयाँ रेकर्ड बनाएको छ ।
आज २ लाख ३९ हजार २ सय रुपैयाँमा सुनको मूल्य पुगेको छ । यो नेपाली बजारको हालसम्मकै उच्च मूल्य हो । हिजोको तुलनामा मूल्य तोलामा १२ सय रुपैयाँले बढेको हो । बुधबार हिजो २ लाख ३८ हजार रुपैयाँमा पुगेर सुनको मूल्यले नयाँ रेकर्ड बनाएको थियो ।
आज चाँदीको मूल्य पनि नयाँ रेकर्डको विन्दुमा पुगेको नेपाल सुनचाँदी व्यवसायी महासंघले जनाएको छ । नेपाली बजारमा आज चाँदी प्रतितोला ३०२५ रुपैयाँ पर्दछ । हिजो २९५५ रुपैयाँ रहेको थियो ।
