अर्थ प्रणाली 
काठमाडौं । कामना सेवा विकास बैंक लिमिटेडले गत आर्थिक वर्षको मुनाफाबाट शेयरधनीलाई १५ प्रतिशतभन्दा बढी लाभांश दिने भएको छ । आइतबार बसेको सञ्चालक समितिको ३९८ औं बैठकले आव २०८१/८२ को अन्त्यमा कायम रहेको वितरणयोग्य मुनाफाबाट शेयरधनीहरुलाई बैंकको हालको चुक्तापूँजी ३,५१,०८,४६,१९५.४० रुपैयाँको १० प्रतिशतका दरले बाेनस शेयर र ५.७८९५ प्रतिशतले हुन आउने रकम (कर प्रयोजनको लागि समेत) नगद लाभांश गरी कुल १५.७८९५ प्रतिशत लाभांश वितरण गर्ने प्रस्ताव गरेको छ ।
उक्त प्रस्ताव अन्तिम स्वीकृतीको लागि नेपाल राष्ट्र बैंक समक्ष पेश गर्ने र त्यहाँको स्वीकृतिपश्चात आगामि वार्षिक साधारणसभाले पारित गरेपछि लगानीकर्ताले पाउनेछन् ।
