अर्थ प्रणाली 
काठमाडौं । धादिङको गजुरी गाउँपालिका वडा नं.१ सुन्दर आधारभूत विद्यालय परिसरमा रहेको पर्खाल केही दिनको लगातार वर्षातका कारण भासिएर पर्खालको संरचना भत्किएको छ । सो पर्खालको कारण विद्यालय आसपासमा रहेका घरपरिवारलाई उच्च जोखिममा पारेको छ ।
विद्यालय आसपास जोखिम बढेको खबर प्राप्त भएपश्चात् गजुरी गाउँपालिकाका अध्यक्ष गणेश लाल श्रेष्ठ, वडा नम्बर १ का अध्यक्ष तारानाथ भण्डारी, गजुरी गाउँपालिका प्रहरीको टोलीसहित घटनास्थलमा पुगेर जोखिम न्यूनीकरणका लागि तत्काल त्रिपाल उपलब्ध गराई अस्थायी सुरक्षा व्यवस्थापन गरेको अध्यक्ष श्रेष्ठको सचिवालयले जनाएको छ ।
यस विषयलाई पालिकाले गम्भीरतापूर्वक लिएको र संरचना निर्माण कार्यको लागि समेत दृढ रहेको जनाएको छ ।
