अर्थ प्रणाली 
काठमाडौं । “कमाइको राजा” भनेर परिचित टीएम १ ले नेपालभरिका विभिन्न साना तथा मझौला व्यवसायहरूमा १०० भन्दा बढी युनिटहरू सफलतापूर्वक सञ्चालनमा ल्याएर एक महत्वपूर्ण उपलब्धि हासिल गरेको जनाएको छ। नेपाली व्यवसायीहरूबीच टीएम १ को बढ्दो लोकप्रियता र विश्वास झल्काउने यस विशेष उपलब्धिलाई कम्पनीले विशेषरुपमा मनाएको छ ।
एमएडब्लू ग्रुपका प्रबन्ध निर्देशक विवेक सिकरिया, एमएडब्लू वृद्धि कमर्सियलका सीइओ तुषार गुप्ता, सेल्स हेड नविन आचार्य, मार्केटिङ प्रमुख प्रकाश सुवेदी लगायत विशिष्ट व्यक्तित्वहरूको उपस्थितिमा कायृक्रमलाई विशेषरुपले मनाइएको हो ।
टीएम १ आजको दिनमा नेपालमा केही अर्थपूर्ण काम गर्ने र आफ्नै व्यवसायिक यात्रा सुरु गर्ने चाहना राख्नेहरूका लागि पहिलो रोजाइको सवारी बनेको कम्पनीको दाबी छ। चाहे ताजा तरकारी बजारमा पुर्याउन होस् वा पानी, दूध, ग्यास सिलिन्डर जस्ता दैनिक उपभोग्य सामान वितरण गर्न होस्, टीएम १ को भरपर्दो प्रदर्शन, उच्च दक्षता र नेपाली आवश्यकता अनुसारको डिजाइनमार्फत आफूलाई एक सक्षम व्यवसायिक सवारीको रूपमा प्रमाणित गरेको कम्पनी बताउँछ।
व्यवसायीलाई आफ्ना आवश्यकता अनुसार छनोट गर्न सहज बनाउने गरी टीएम १ दुई फरक साइजका लोडिङ डेक (८ फिट र १० फिट) मा उपलब्ध रहेको छ। विश्वकै नम्बर १ सिएटीएल ब्याट्रीबाट सञ्चालित यस इलेक्ट्रिक सवारीले २८० किमी एनइडिसी रेन्ज प्रदान गर्दछ, जसले गर्दा यो शहरी डेलिभरीका लागि विशेष उपयुक्त मानिने कम्पनीको भनाइ छ । एमएडब्लू वृद्धिको भरपर्दो सर्भिसका कारण टीएम १ ले कम मर्मत खर्चमै अत्याधिक फाइदा दिने सवारीको रूपमा निरन्तर आफूलाई प्रमाणित गरिरहेको कम्पनीको भनाइ छ।
नेपालभरि साना तथा मध्यम व्यवसायहरूलाई सशक्त बनाउँदै अघि बढिरहेको टीएम १ का लागि यो उपलब्धि भविष्यमा आउने थुप्रै सफलताका कथाहरूको सुरुवात भएको कम्पनीकले जनाएको छ ।
एमएडब्लू वृद्धि कमर्सियलको बारेमा
एमएडब्लू वृद्धि कमर्सियल भेहिकल प्रालि नेपालका व्यावसायिक सवारी साधनहरूको क्षेत्रमा एक प्रमुख संस्था हो, जसले भरपर्दो, शक्तिशाली र इनोभेटिभ मोबिलिटी सोलुसन्स प्रदान गर्दै आएको छ। नेपालका लागि फोटोन ब्रान्डका व्यावसायिक सवारीहरूको आधिकारिक वितरकको रूपमा कम्पनीले नेपाली सडक र व्यवसायहरूको विविध आवश्यकतालाई पूरा गर्न विश्वस्तरीय प्रविधि र इन्जिनियरिङ्ग प्रस्तुत गर्दै आएको छ। ग्राहक सन्तुष्टि, आफ्टर सेल्स सर्भिस र दीर्घकालीन मूल्यमा केन्द्रित रही एमएडब्लू वृद्धि नेपालको व्यावसायिक यातायात क्षेत्रमा प्रगति र प्रदर्शनमा उल्लेखनीय योगदान पुर्याउन प्रतिबद्ध रहेको जनाएको छ।
