अर्थ प्रणाली 
काठमाडौं । प्रभु इन्स्योरेन्सले शेयरधनीहरुलाई वितरण गर्ने लाभांश घोषणा गरेको छ । आइतबार बसेको कम्पनीको सञ्चालक समितिको बैठकले २०८०/०८१ सम्मको वितरणयोग्य मुनाफाबाट हाल कायम रहेको चुक्ता पूँजी रु.१,४४,१४,८८,०६७०० को १८ प्रतिशतले बोनस शेयर दिने निर्णय भएको हो ।
बैठकले बोनस शेयरमा लाग्ने कर प्रयोजनको लागि चुक्ता पूँजीको ०.९४७४ प्रतिशतले हुन आउने रकम रु.१,३६,५६,२०३ नगद लाभांश दिने भएको छ । यसरी कुल
१८.९४७४ प्रतिशत लाभांश वितरण गर्ने प्रस्ताव सहित कम्पनीको आव २०८०/०८१ को वित्तीय विवरण स्वीकृतीका लागि नियामक निकाय नेपाल बीमा प्राधिकरण समक्ष पेश गर्ने निर्णय बैठकले गरेको छ ।
प्रस्तावित लाभांश नेपाल बीमा प्राधिकरणबाट स्वीकृती भई कम्पनीको आगामी वार्षिक साधारण सभाबाट पारित भएपश्चात लगानीकर्तामा वितरण हुनेछ ।
